港共政權班打手收數咾看邊個你不順眼就生就生安白造，篤大佢條數，完全可以生安白造無中生有！然後一世做你債仔追你數

【蒙兆達被稅局追7年稅：稅局條數點得嚟？有乜證明？真係好過去搶】
【被追加40萬年薪 安插商業登記】

＝＝＝請支持蚊型媒體持狹縫中求存
＝＝＝轉數快電話號碼：6464 8848 (Boomhead Media Co)

於2021年已離港的前職工盟總幹事蒙兆達，在社交平台發文，指翻查稅務易戶口訊息，發現稅局今年三月發信追補交七年前欠付薪俸稅及利得稅。稅務局追加2018-2019年度40萬元年薪，要求補交4萬5元薪俸稅欠款。但蒙兆達當時只有職工盟總幹事一職，並無其他收入，而且每月都有糧單證明，質疑稅局「稅局條數點得嚟？有乜證明？一概無交代」。

另外他亦與早前被稅局查稅的部分記者一樣，被安插商業登記號碼，指2018-2019年度因營商而賺取40萬利潤，追收4萬元利得稅。蒙兆達表示：「我咁大個仔都無做過生意，勢估唔到依家突然有咗個商業登記號碼，仲賺咗40萬連自己都唔知，夠神奇！」

又批評「稅局咁樣追數法，真係好過去搶。你幾時睇唔順眼邊個，求其生安白造，篤大佢某某年度個課稅收入，然後一地都係你債仔，完全係可以無中生有！呢種做法作為政治迫害嘅新手段，的確係非常富有創意（果然係創意之都），亦好符合『貪』嘅國情特質。」。

本台得悉，除了早前已公開被稅局查稅的8家新聞媒體及20名記者、網台《香港花生》主持陶君行、《香港花生》、該網台幾乎所有主持，包括黃浩銘及周嘉發外，不少民主派成員、前立會議員、前區議員亦接獲「查稅」要求。當中不乏已離港的海外人士。

蒙兆達於2021年9月16日離港，2024年6月12日保安局局長根據《維護國家安全條例》條文刊登憲報公告，通緝蒙兆達，指他涉嫌違反「煽動分裂國家罪」，即於2022年6月出席一個境外組織會議，抹黑中央及香港特別行政區政府，並鼓吹將香港特別行政區從中華人民共和國分離出去。