倫敦經貿辦國安案｜庭上證據指靠「四圍黐」　玻璃朱變嬲嬲豬：大家睇少啲假新聞

正於倫敦審理的香港經貿辦國安案，控方連日在庭上提出的證據，包括多則被告衞志樑與其他人通訊的內容，當中不少令人譁嘩然。其中曾被點名的建制派人士玻璃朱（朱庭萱），疑不滿被指「四圍黐」，在其個人社交平台反駁「勸大家睇少啲假新聞！」

根據控方提出的通訊群組記錄，被告馬志堅同意每月支付5萬港元作為疑似《大公報》記者Jessie到英國跟蹤羅冠聰及許智峯的報酬，並要求她每日提交工作總結；在另一則訊息中，Jessie向衞志樑透露了其傳媒人的身份：「幫你問左（咗）個玻璃朱，傾下…佢係為左（咗）名同利出賣資料既（嘅）人，四圍黐既（嘅）人，行中唔太受歡迎，無乜真心朋友。我依家返左（咗）大公幫手」。上述的內容完全出自於控方提供的原文證據。

相關審訊內容雖然香港多家主流傳媒「零報道」，但不少網媒及海外香港傳媒則大篇幅報道，玻璃朱疑不滿被指責「四圍黐」、「為咗名同利出賣料」，今（11日）清晨五時左右在其個人社交平台發反擊，指「勸大家睇少啲假新聞」，又謂有關的報道是「靠幾個英國黃人法庭記者寫啲切頭切尾、完全唔連貫、唔make sense嘅所謂通訊對話」，並批評相關內容是「堆砌」，經幾個「黃媒」轉載並「加料作多啲」作人身攻擊。

對於證據中所指的《大公報》記者Jessie，玻璃朱一方面指「係人都知大公報沒有一個記者叫Jessie啦」，又強調Jessie從無接觸她本人，但同時又說Jessie「無講過黃媒報道關於本人嘅任何批評」。她最後表示「大家醒少少啦唔好跟車太貼啦」。

玻璃朱的帖文引來20多個支持的聲音，有人留言「其實你不用討論、俾人感覺對號入座」、「從來睇呢啲嘢都係得啖笑，真係唔知佢係當我智障定佢自己智障」、「不要理會黃人，祖國是你堅強後盾」。