寶可夢 30 周年︱新手專攻地區限定 卡店加閘防盜

【Yahoo新聞報道】卡牌文化盛行，當中寶可夢（Pokémon ，香港舊譯寵物小精靈）卡牌有價有市，新入坑者愛它可愛又有投資價值，不過亦引來賊人垂涎。近日有香港卡舖被竊匪爆門盜走卡牌，損失約 8000元，更有收藏家被誘騙見面交收，遭搶走共值 20 萬港元卡牌。經營逾 30 年的通用卡店見證本地卡牌文化發展，近日亦為新門市加裝閘門以策安全。

重訪童年回憶 「寓興趣於投資」
動畫《寵物小精靈》 九十年代末在電視台播映，旋即掀起熱潮，成為兩代香港人童年一部份。梁先生的卡牌投資亦是以兒時回憶作為起點，「我哋唔係睇開股票嗰啲人，Pokémon 係我哋細細個比較認識嘅嘢，好似好識咁，寓興趣於投資咁㗎咋」。他半年前經同事介紹認識卡牌文化，開始研究寶可夢卡牌，第一次出手便花約 3000 元購入的月伊貝 PSA 10 評級卡。「當初買卡唔係為咗賺錢，真係為咗開心同儲靚卡，後尾話投資都係買卡嘅藉口啫。」

專攻比卡超地區卡「因為鍾意去日本」
為了賺錢還是娛樂，梁先生認為兩者很難分清楚，但他暫時未曾為炒賣而買不喜歡的卡牌。入坑不久，他了解到比卡超最有升值潛力，平衡過興趣、投資價值和負擔能力，決定專攻比卡超地區卡。「因為自己本身鍾意去日本，每張卡都用當地出名景點做背景，同埋我覺得日本藝術成份重啲，同埋佢流通性高啲，唔會去到天價。」半年下來，他已經收集了十多張寶可夢卡，平均入手價數千元一張，最貴的是神戶限定比卡超卡牌，花費約 1 萬元，目前全部卡牌都有升值。